تفریح

بالی ووڈ کے معروف کامیڈین کپل شرما اگلے ماہ شادی کے بندھن میں بندھ جائیں گے، اپنی شادی سے متعلق اہم انکشاف کرتے ہوئے کپل نے بتایا کہ جب انہوں نے پہلی باراپنی منگیترگینی کے گھر رشتہ بھیجا توان کےہونے والے سسر نے انہیں انکار کردیا تھا۔بھارتی اخبار ’ٹائمزآف انڈیا‘ سے گفتگو میں کپل شرما نے بتایا کہ وہ اپنی ہونے والی بیوی گینی سے پہلی مرتبہ سال 2005 میں ملے تھے، وہ بھارتی شہر جلندھر کے ایچ ایم وی (HMV) نامی کالج میں طلبہ کا آڈیشن لینے کی غرض سےگئے تھے جہاں وہ زیر تعلیم تھیں اور وہیں ان کی ملاقات گینی سے ہوئی۔کپل نے اپنی محبت کی ’فلمی‘ کہانی مداحوں کے ساتھ شیئر کرتے ہوئے مزید کہا کہ جب پہلی مرتبہ ان کی گینی سے ملاقات ہوئی تو اس وقت گینی 19 اور وہ 24 برس کے تھے۔ دونوں ایک دوسرے کو پہلی ہی ملاقات میں پسند کرنے لگے تھے لیکن اس وقت کپل کے مالی حالات درست نہ ہونے کی وجہ سے وہ گینی کے گھر رشتہ نہ بھیج سکے۔ممبئی میں وہ ’لافٹرچیلنج‘ نامی پروگرام کے لیے آڈیشن دینے گئے لیکن ناکام ہوگئے جس کے بعدانہوں نے دوسرا آڈیشن ایک پنجابی چینل پر دیا اور منتخب ہوگئے، اس کے بعد ان کے کچھ حالات بہتر ہوئے تو وہ گینی کے گھر رشتہ لے کر گئے جس پر ان کے والد نے نہایت پیار سے انہیں ’شٹ اپ‘ کہہ کر مسترد کردیا۔اس کے بعد وہ ممبئی آگئے اور پھر ان کی کامیابی کا سفر شروع ہوگیا، اس وقت وہ گینی کو بھولے نہیں تھے اور ایک بار پھر سال 2016 میں انہوں نےگینی کو کال کی اورانہیں شادی کی پیشکش کی اور اس بار گینی کے والد نے کپل کو انکار نہیں کیا۔گینی کی سالگرہ کے موقع پر کپل نے ان کے لیےخوبصورت پیغام جاری کیا۔ انہوں نے انسٹاگرام پر اپنی اور گینی کی تصویر شیئر کرتے ہوئے لکھا کہ ’میری زندگی کے ہر موڑ پر میرے ساتھ کھڑے رہنے کے لیے اور مجھےایک بہتر انسان بنانے کے لیے بہت شکریہ، اور آپ کے بے پناہ پیار کے لیے بھی میں بے حد شکر گزار ہوں۔ سالگرہ مبارک‘13 سال ایک دوسرے کی محبت میں گرفتار رہنے کے بعد اب انہوں نے شادی کا فیصلہ کیا ہے اور اگلے ماہ کی 12 تاریخ یعنی 12 دسمبر کو یہ جوڑا شادی کے بندھن میں بندھے گا اور ان کے استقبالیے کی تقریب 22 دسمبر کوہوگی۔

پاکستانی گلوکارہ مومنہ مستحسن کو ایک بار پھر لیجنڈری گانے ’کوکو کارینا‘ کو دوبارہ گانے پر تنقید کا نشانہ بنایا جارہا ہے۔گزشتہ ماہ کوک اسٹوڈیو سیزن 11 میں پاکستانی اداکار احد رضا میراور گلوکارہ مومنہ مستحسن نے لیجنڈری گانا ’کوکو کارینا‘ گایا تھا، جس کے منظر عام پر آتے ہی انہیں سوشل میڈیا صارفین کی جانب سے شدید تنقید کا نشانہ بنایا گیاتھا، ان لوگوں میں وفاقی وزیر برائے انسانی حقوق شیریں مزاری بھی شامل تھیں۔احد اور مومنہ کے’کوکو کورینا‘ پر شریں مزاری کی شدید تنقید.لیجنڈر اداکار وحید مراد پر فلمائے گئے گانےکوکو کورینا کو گانے کے بعد تنقید کا نشانہ بننے والی گلوکارہ مومنہ مستحسن کا دل نہیں بھرا اور انہوں نے ایک مرتبہ پھر اس گانے کو گاکر اپنی قسمت کو آزمانے کا فیصلہ کیا لیکن اور اس بار بھی وہ اپنی کوشش میں ناکام ہوتی نظر آرہی ہیں۔سوشل میڈیا سائٹ انسٹاگرام پر دو روز قبل مومنہ نے اپنی ویڈیو شیئر کی تھی جس میں وہ کلاسیکل گانا کوکو کورینا گاتی نظر آرہی ہیں۔ ویڈیو کے ساتھ کیپشن میں انہوں نے لکھا ’ایک مہینے تک مذاق کا نشانہ بننے کی خوشی میں ایک اور تحفہ‘ مگرسوشل میڈیا صارفین کو مومنہ کا گایا ہوا یہ گانا بھی پسند نہیں آیا۔مومنہ مستحسن کی اس ویڈیو پر صارفین نے گلوکارہ کو آڑے ہاتھوں لیتے ہوئے کہا ’کتنی ڈھیٹ ہو یار‘ ایک صارف نے کہا ’مومنہ کو بتاؤ کہ یہ 7 جنم بھی لے تب بھی اچھا نہیں گا سکتی‘ کسی نے کہا کہ’یہ تو ڈھٹائی ہے‘ تو کسی کا کہنا ہے ’آپ نہیں گا سکتیں، برائے مہربانی کلاسیکل گانوں کا قتل کرنا چھوڑ دیں۔ ‘ایک صارف نے ان کی ویڈیو پر طنز کرتے ہوئے لکھا کہ ’ایک مرتبہ بھر!!‘ تو دوسرے نے لکھا ’مزید بیکار ہے‘ جبکہ کچھ صارفین نے کہا ’اتنی بے عزتی کروانے کے بعد بھی سکون نہیں ملا۔‘واضح رہے احد رضا میرنے کوک اسٹوڈیو سیزن 11 میں ڈیبیو گانا ’کوکو کورینا‘ گایا تھا جو 19 اکتوبر کو ریلیز ہوا تھا جس میں احد رضا میر کے ہمراہ مومنہ مستحسن نے گلوکاری کی۔ گانامنظر عام پر آنے کے بعد دونوں شدید تنقید کے نشانے پر رہے اور اب تقریباً ایک ماہ بعد مومنہ نے دوبارہ اس گانے کونئے انداز میں پیش کیا ہے۔

پاکستانی فلم انڈسٹری کے سنئیر اداکار حبیب کے مداح آج ان کی87ویں سالگرہ منا رہے ہیں ۔اداکارہ حبیب کا اصل نام حبیب الرحمان تھا، ان کا شمار فلم کے چند تعلیم یافتہ فنکاروں میں ہوتا تھا۔ انہوں نے گورنمنٹ کالج لاہور سے ایم اے انگلش بعد ازاں اردو اور فارسی میں ایم اے کیا۔وہ ایریگیشن اور بعدازاں سول ایوی ایشن میں بھی ملازم رہے۔وہ حادثاتی طور پر فلم انڈسٹری میں آئے لیکن انھیں بہت جلد کامیابی ملی تو انھوں نے اسے مستقل پروفیشن بنالیا۔1956 میں حبیب اپنے چند دوستوں کے ہمراہ فلم کی شوٹنگ دیکھنے گئے جہاں ہدایتکار لقمان اپنی فلم’’لخت جگر‘‘ کی شوٹنگ میں مصروف تھے، لقمان نے انھیں دیکھ کر مختصر کردار میں اسی فلم میں کاسٹ کیا اور انھیں پہلے ہی سین میں ملکہ ترنم نور جہاں کے ساتھ کام کا موقع ملا۔سنئیر اداکار حبیب کے مداح آج ان کی87ویں سالگرہ منا رہے ہیں .اس کے بعد انھیں نذیر اجمیری کی فلم ’’شہرت‘‘ میں کاسٹ کرلیا گیا اور یوں ان کا فلمی سفر شروع ہوگیا۔فلم ’’شہرت‘‘ کے بعد انھیں مسعود پرویز کی فلم ’’زہرعشق‘‘ میں کاسٹ کیا گیا جس میں انھیں مسرت نذیر کے مقابل کام کا موقع ملا اور فلم سپرہٹ ہونے سے انھیں انڈسٹری میں جگہ بنانے کا موقع مل گیا۔ان کی اہم فلموں میں ادمی، گمراہ، کالاپانی، ایاز، ماں کے انسو، اولاد، غزالہ، وقت، دیوداس، سازش، شکریہ، ا خری داؤ اور پردیس شامل ہیں۔حبیب نے بہت سی پنجابی فلموں میں بھی کام کیا۔ ان فلموں میں موج میلہ، بابل دا ویہڑہ، میلہ دو دن دا، لنگوٹیا، بازی جت لئی، رنگو جٹ، ات خدا داویر، پیار نہ منے ہار، چن چودھویں دا، ٹیکسی ڈرائیور، خلیفہ، دومٹیاراں، مکھڑا چن ورگا اور چن شیر قابل ذکر ہیں جبکہ انھوں نے دو سندھی فلمیں پروڈیوس اور ڈائریکٹ بھی کیں۔واضح رہے کہ اداکار حبیب مختصر علالت کے بعد 25 فروری 2016 کو انتقال کرگئے تھے۔

ہالی وڈ کی نئی تھری ڈی اینیمیٹیڈ کامیڈی فلم ’دی سیکرٹ لائف آف پیٹس2‘ کاٹریلر جاری کر دیا گیا ہے۔سال 2016 میں ریلیز ہونےوالی فلم دی سیکرٹ لائف آف پیٹس کے اس سیکوئل کی کہانی پالتو جانوروں کی زندگی پر مبنی پر ہے جو بہادر اتنے ہیں کہ بڑے بڑے کارنامے انجام دے ڈالتے ہیں اور لاڈلے اتنے کہ اپنے مالکان سے مختلف انداز میں نخرے بھی اُٹھواتے ہیں۔مزے مزے کے نت نئے کھانوں کی شوقین مانو ہو یا شرارتی ننھا کتا، نٹ کھٹ ننھے خرگوش ہو یا غصیلی چڑیا سب مل کرایک ساتھ رہتے ہیں اور مالکان کی غیر موجودگی میں خوب تفریح کرتے اور کھیلتے بھی ہیں۔پالتو جانوروں کی زندگی کے انوکھے پہلو کی عکاسی کرتی اس کامیڈی فلم کے ڈائیلاگ مشہور ہالی وڈاداکار کیون ہارٹ ، البرٹ بروکس ، ہنی بال برس، ایرک اسٹون اسٹریٹ اور لیوئس سیکے کی آوازوں میں ریکارڈ کئے گئے ہیں۔الیومینیشن انٹر ٹینٹمنٹ کی تیارکردہ تھری ڈی کمپیوٹر اینیمیٹیڈفلم یونیورسل پکچرز کے تحت آئندہ سال 7جون کو سنیما گھروں میں دھوم مچانے آرہی ہے۔

پاکستانی کامیڈی فلم ’رانگ نمبر‘ کا سیکوئل اگلے سال ریلیز کیا جائے گا۔پاکستانی فلموں سے متعلق ایک اور بڑی خبرسامنے آئی ہے کہ سال 2015 میں دھوم مچانے والی کامیڈی فلم ’رانگ نمبر‘ کا سیکوئل 2019 کی میٹھی عید پر ریلیز کیا جائے گا۔کامیڈی فلم ’رانگ نمبر‘ کا سیکوئل اگلے سال ریلیز.یاسر نواز کی ڈائریکشن میں بننے والی فلم’رانگ نمبر2‘ میں اداکار سمیع خان، نیلم منیر، جاوید شیخ مرکزی کردار ادا کریں گے۔کامیڈی فلم رانگ نمبر 2 کی شوٹنگ کا آغاز حیدر آباد اور کراچی سمیت ملک کے مختلف شہروں میں کردیا گیا ہے۔

بالی ووڈ کی دیسی گرل پریانکا چوپڑا اور امریکی پاپ گلوکار نک جونس نے بھی دپیکا اور رنویر کے نقشے قدم پر چلتے ہوئے دو شادیاں کرنے کا فیصلہ کرلیا۔بھارتی خبر رساں ادارے کے مطابق اداکارہ پریانکا چوپڑا اور گلوکار نک جونس رواں سال دسمبر میں بھارت کے شہر جودھ پور کے تاریخی مقام ’امید بھون‘ پیلس میں شادی کے بندھن میں بندھنے کو تیار ہیں ،اسی حوالے سے ایک اور نئی خبر سامنے آئی ہے کہ بلکل دپیکا اور رنویر کی طرح ان دونوں نے بھی دو شادیاں کرنے کا فیصلہ کرلیا ہے۔پریانکا، نک نے بھی دو شادیاں کرنے کا فیصلہ کرلیاجودھ پور کا تاریخی مقام ’امید بھون‘ پیلس، جہاں پریانکا نک شادی کریں گے.میڈیا رپورٹس کا کہنا ہے کہ یہ جوڑا 2 دسمبر کو ’ہندو‘ رسم و رواج کے مطابق شادی کرے گا اور اگلے دن ہی یعنی 3 دسمبر کو ان کی شادی ’عیسائی‘ رسم و رواج کے تحت ہوگی جبکہ دونوں شادیاں ایک ہی مقام پر منعقد کی جائیں گی۔بھارتی میڈیا میں گردش خبروں کے مطابق نک جونس اپنے اہل خانہ کے ہمراہ دو روز میں بھارت پہنچ جائیں گے، جس کے بعد ان کے سنگیت کی تقریب کے لیے ریہرسلز 28 نومبر سے شروع کی جائیں گی۔ تاہم یہ بھی کہا جارہا ہے کہ بالی ووڈ کوریوگرافر’گنیش ہیج‘ نک جونس اور ان کے گھر والوں کو بھارتی ڈانس بھی سیکھائیں گے۔فیشن ہیروئن پریانکا آج کل پیرس میں موجود ہیں جہاں ان کی شادی کی تیاریاں زور و شور سے جاری ہیں، اسی حوالے سے انہوں نے اپنے انسٹا گرام اکائونٹ پر ایک پوسٹ بھی شیئر کیا ہے۔اس کے علاوہ انہوں نے ایک اور پوسٹ بھی انسٹا گرام پر جاری کیا ہے جس میں پریانکا کے ساتھ ان کی والدہ اور دیگر لوگ موجود ہیں، اس پوسٹ سے یہ ظاہر ہورہا ہے کہ وہ پیرس میں اپنے ساتھیوں کے ساتھ کافی انجوائے کررہی ہیں۔بھارتی میڈیا کے مطابق پریانکا اور نک کی شادی میں برطانوی شہزادہ ہیری اور ان کی اہلیہ میگھن مارکل شرکت نہیں کریں گے جبکہ ہالی ووڈ سے کئی نامور فنکاروں کو شادی کی تقریب میں مدعو کیے جانے کا امکان ہے۔

سعودی عرب میں تاریخ ساز تبدیلیوں کا سلسلہ جاری ہے ۔سعودی ٹیلیویژن پرموسیقی کاپہلا مقابلہجہاں پہلے تو خواتین کو ڈرائیونگ کی اجازت دی گئی تو پھر ایوی ایشن میں بھی خواتین نے اینٹری مار دی اور تو اور ڈرفٹنگ اور بائیکنگ جیسے شوق بھی سعودی خواتین پورے کرتے دکھائی دے رہی ہیں۔سعودی نیوز چینل میں پہلی مرتبہ خاتون نیوز کاسٹرھے.سعودی خواتین اب جہاز اڑانے کیلئے تیاراب اس عہد میں ایک اورتاریخی فیصلہ دیکھنے میں آیا ہے جب سعودی ٹیلیویژن پر موسیقی کا مقابلہ منعقد کیا گیا اور کئی گلوکار اپنی آواز کا جادو جگانے بھی پہنچے ۔دلکش اسٹیج پر گلوکاری کرتی سنگرز کی پرفارمنس دیکھنے کے لئے حاضرین کی بری تعداد بھی ہال میں موجود تھی جو اِن گلوکاروں کو داد دیتی دکھائی دیں ۔

آنند ایل رائے کی ہدایتکاری میں بننے والی نئی فلم زیرو میں کنگ خان ایک بونے کا کردار ادا کریں گے جس میں کنگ خان کے ساتھ اس فلم میں انوشکا شرما اور کترینہ کیف بھی مرکزی کردار میں نظر آئیں گے جبکہ سلمان خان، سری دیوی، کرینہ کپور، کاجول و دیگر کئی اداکارمہمان کے طور پر نظر آئیں گے ۔واضح رہے کہ شاہ رُخ خان کی نئی آنے والی فلم زیرو بھارت بھر میں اس سال کرسمس کے موقع پریعنی21دسمبر کو ریلیز کی جائیگی جبکہ کنگ خان کی فلم ‘زیروکو چین میں بھی ریلیز کئے جانے کی توقع ہے۔

اداکارہ ایمن خان اور اداکار منیب بٹ نکاح کے بندھن میں بن گئے۔پاکستان شوبزانڈسٹری کی اداکارہ ایمن خان اور اداکار منیب بٹ گذشتہ روز نکاح کے بندھن میں بن گئے ، جس کی تصاویر اور ویڈیوز سوشل میڈیا پر وائرل ہیں۔ایمن اور منیب نکاح کے بندھن میں بندھ گئےایمن خان اور منیب بٹ کی جوڑی اس وقت مداحوں کی پسندیدہ جوڑیوں میں سے ایک ہے۔یاد رہے کہ ایمن اور منیب کی منگنی گزشتہ سال جنوری میں ہوئی تھی۔ایمن اور منیب نکاح کے بندھن میں بندھ گئے.ایمن اور منیب کے نکاح کی تصویران کی بہن منال خان نے انسٹاگرام پر شیئر کی۔
ایمن اور منیب نکاح کے بندھن میں بندھ گئے.ایمن خان نے اپنے نکاح کے لیے ڈیزائنر ارم خان کے روایتی عروسی لباس کا انتخاب کیا جبکہ منیب بٹ کا جوڑا ڈیزائنر دیپک اور فہد نے بنایا۔ایمن اور منیب نےنکاح کے بعدخوب سیلفیاں بھی بنائیں۔نکاح سے قبل ایمن خان کی ڈھولکی اور برائیڈل شاور بھی بھرپور انداز سے منایا گیا۔

ہالی وڈ کی نئی تھری ڈی اینیمیٹیڈکامیڈی فلم “دی سیکرٹ لائف آف پیٹس2 “کاٹریلر جاری کر دیا گیا ۔
کامیڈی فلم’ دی سیکرٹ لائف آف پیٹس2 ‘کا ٹریلر جاری2016کی فلم کے اس سیکوئل کو ہدایتکارکرِ س ریناؤڈ کی اس فلم کی کہانی پالتو جانوروں کی زندگی پر مبنی پر ہے جو بہادر اتنے ہیں کہ بڑے بڑے کارنامے انجام دے ڈالتے ہیں اور لاڈلے اتنے کہ اپنے مالکان سے مختلف انداز میں نخرے بھی اُٹھواتے ہیں۔مزے مزے کے نت نئے کھانوں کی شوقین مانو ہو یا شرارتی ننھا کتا ، نٹ کھٹ ننھے خرگوش ہو یا غصیلی چڑیا سب ملکر ایکساتھ رہتے ہیں اور مالکان کی غیر موجودگی میں خوب تفریح کرتے اور کھیلتے بھی ہیں۔پالتو جانوروں کی زندگی کے انوکھے پہلو کی عکاسی کرتی اس کامیڈی فلم کے ڈائیلاگ مشہور ہالی وڈاداکار کیون ہارٹ ، البرٹ بروکس ، ہنی بال برس، ایرک اسٹون اسٹریٹ اور لیوئس سیکے کی آوازوں میں ریکارڈ کئے گئے ہیں۔الیومینیشن انٹر ٹینٹمنٹ کی تیارکردہ تھری ڈی کمپیوٹر اینیمیٹیڈفلم یونیورسل پکچرز کے تحت آئندہ سال 7جون کو سنیما گھروں میں دھوم مچانے آرہی ہے۔