41

معروف کامیڈین امان اللّٰہ انتقال کر گئے

اسٹیج، ٹی وی اور فلم کے معروف کامیڈین امان اللّٰہ انتقال کر گئے، مرحوم کافی عرصے سے گردوں اور پھیپھڑوں کے عارضے میں مبتلا تھے۔امان اللّٰہ گزشتہ کئی روز سے لاہور کے اسپتال میں داخل تھے، انتقال کے وقت ان کی عمر 70 سال تھی۔کامیڈین امان اللّٰہ 1950ء میں لاہور میں پیدا ہوئے، انہوں نے 860 اسٹیج ڈراموں میں اپنے فن کے جوہر دکھائے، وہ کافی عرصہ ’جیو نیوز‘ کے مزاحیہ شو ’خبر ناک‘ سے بھی منسلک رہے۔امان اللّٰہ کو پاکستان میں اسٹینڈ اپ کامیڈی کا بانی قرار دیا جاتا ہے، جن کے کروڑوں مداح پاکستان اور بیرونِ ملک موجود ہیں۔امان اللّٰہ کو 2018ء میں ان کی فنی خدمات کے اعتراف میں صدارتی ایوارڈ سے نوازا گیا، انہوں نے پاکستانی فلموں نامعلوم افراد اور ون ٹو کا ون میں اپنی اداکاری سے مداحوں کو محظوظ کیا۔جنوری میں امان اللّٰہ کو نمونیہ ہونے کے بعد تشویش ناک حالت میں اسپتال منتقل کیا گیا تھا جہاں انہیں آئی سی یو میں رکھا گیا تھا اور اسپتال انتظامیہ کو انہیں وینٹی لیٹر پر بھی رکھنا پڑا تھا۔

اس خبر پر اپنی رائے کا اظہار کریں

اپنا تبصرہ بھیجیں